Anwa i d Amrabed ?
AMRABED d isem n yiwet targa di Youtube, yeṭṭef-it yiwen seg wid iḥemmel amezruy, timucuha, d yidles aqbayli.
Amrabeḍ (ad s-nsemmi akka i wakken ad neqqim ur nettwassen ara), mebla ma yeɣra amezruy neɣ tasenzikt di tesdawit, yeɣra akk isental-ayi, seg tɣuri n yidlisen, ameslay d win yessnen, akken ad d-yaɣ tamussni, u ad tt-issuzer yid-wen ayen i yelmed, s ɣur targa ines di Youtube, akk d yimagraden i yessufuɣ deg usmel-ayi.
Azarig n teẓrigt
Akk ayen i wen-d-issuzer Amrabed baṭel, u tzemrem ad t-tafem di targa ines di Youtube srid bla ccuruṭ. Yeqqen iman-s Amrabed akken ad d-yili agbur-is d amesɣaru, bla ma imal ar kra n tikti, s udem n ddin, n tsertit, neɣ ayen niḍen.
Isental n Amrabed
Amrabeḍ yeṣa rebɛa (4) n yisental imeqqranen :
Amezruy n Lezzayer : Yesmeslay ɣef umezruy n temdint n Lezzayer, seg uzermezruy ɣer ass-a.
Amezruy n tmurt n leqbayel : Yesmeslay ɣef umezruy n temnaḍt-nni i yettwassnen ass-a s yisem n Tmurt n Leqbayel.
Timucuha n leqbayel : Idles uffur n leqbayel mazal ar ass-a ur yettwassen ara, u xirla i yettmeslayen fell-asen ayen ur nelli ara di tidet. Ɣef wakka i yextar Amrabeḍ ad d-ihḍer fell-as da, axaṭer d asenṭel i yettḥibbi, i daɣen akken ad d-ikkes asbur ɣef idles uffur n leqbayel imezwura.
Ssi Muḥend Arezqi
Unuɣ n Sisi Muḥen Arezqi texdem-it-it T.kawthar ass n 17 duǧember 2020 ilmend Amrabeḍ. D unuɣ n jeddi-s n umḍebber n targa (ad t-irḥem Ṛebbi), Ssi Muḥend Arezqi n Guzu U-Lǧudi, yemmuten ass 26 mayu 2020.
Unuɣ amezwaru i d-texdem T.kawthar ass n 17 duǧember 2022.
Unuɣ wis sin i d-texdem T.kawthar ass n 25 ctember 2023, mi s-d-yessuter Amrabeḍ ad s-ternu lmesbaḥ n zik.
Unuɣ ajdid yexdem-it Amrabeḍ ass n 5 meɣres 2024, yerna-as tacacit tazeggaɣt i s-d-yefka jeddi-s n tama n yemma-s.
At tiwsi
- Ḥmimi Cyux : D yiwen i yessnen amek ad igerrez ismal akk d isnasen, yessen mliḥ i umaḍal n web. D netta iyi-wenɛen aɣalad n usmel-ayi.
- Kamil Kermum : D ameddakel si zik, yesɛa asmel ula d netta. Kamil yefka-d afus n emɛawna akken ad aruɣ iḍrisen n usmel-ayi, la-dɣa deg umuɣ amazray.
- Mezzani Masinisa : D ameddakel si zik, iseyya-d ɣef Umrabeḍ akken ad yernu tibidyutin d yiḍrisen s tutlayt tasbanyulit, u yefka-as afus n lemɛawna akken ad yessuqel asmel ines ar tutlayt-nni akken ad iḥaz ugar n medden.
- Salim U-Lǧudi : Bab n usmel.