Amrabed

Amrabed

Menu

Amrabed

Menu

Umuɣ amazray

Urɛad i nfukk tira n usebter-ayi

Table of Contents

Azermezruy

(armi d -3200/-2200)

Tallit n uẓru tamenzut (armi d -8000)

Tallit n uẓru tamenzut taqdimt (armi d -1 000 000 n yiseggasen)

  • – 2.4 n yimelyan n yiseggasen : Asager n leqdic n uẓru deg udeg n Ɛin Bucriṭ, deg ugezdu n Sṭif.
  • – 1.7 n yimelyan n yiseggasen : Asager n leqdic n uẓru deg udeg n Ɛin Leḥnec, deg ugezdu n Sṭif.
  • – 1.67 n yimelyan n yiseggasen : Tiɣawsiwin ticulyanin (Acheuléennes) tiqdimin akk di Tefriqt n Ugafa (d ticuqar sut sin udmawen), ufan-ten di tmurt n Lezzayer.

Tallit n uẓru tamenzut taddayt (seg amelyun n yiseggasen ar -315 000)

  • – 700 000 : Deg wadeg n Tiɣennif, deg ugezdu n Mɛesker, ufan iɣsan n umdan iqdimen akk di tmurt n Lezzayer (3 iɣesmaren n umdan), d asager aqdim akk seg “Umdan n Tiɣennif” (Homo mauritanicus), i yettwassnen daɣen s yisem n Umdan n Uṭlas neɣ Atlanthrope. Llan kra ḥesben-t d Homo erectus.

Tallit n uẓru tamenzut talemmast (seg -315 000 ar -30 000)

  • – 313 000 : Amdan n Adrar Iɣud. Di 2017, mi ufan iɣsan ijdiden, tarbaɛt n yimussnawen n uzermezruy, Jean-Jacques Hublin akk d Ɛebdelwahab Ben-Naṣer, sufɣen-d isakuden ijdiden ɛeddan 300 000 n yiseggasen uqbel tura ɣef yiɣsan n Adrar Iɣud, iɣsan n Homo Sapiens iqdimen akk i yellan. Iɣsan-ayi ttakecban mliḥ ar wid nneɣ.
  • – 300 000 : Tazwara n umustraw (Moustérien) n Tefriqt n Ugafa.
  • – 250 000 : Yenger Umdan n Uṭlas “Homo erectus“. Anagar Homo sapiens i izedɣen deg tmurt n Lezzayer tura.
  • – 148 000 / 140 000 : Ssyaɣa taqdimt akk di ddunnit. Ufan di tmurt n Lmeṛṛuk, tama n temdint n Tessuṛt, kra n rrḥuḥ sɛan gar 142 000 d 150 000 n yiseggasen, yellan d ssyaɣa taqdimt akk i ufan ar ass-a.
  • – 120 000 : Tiɣawsiwin tiqdimin akk s wacu i xedmen iceṭṭiḍen, ttwaxedment s yiɣsan n udenfil akk d tizmekt, ufan-tent di tama tutrimt n Lmeṛṛuk, tama n lebḥar. 60 tɣewsiwin-ayi i ufan sɛant azal n 120 000 n yiseggasen.
  • – 50 000 : Tebda tallit n ugeffur n umustraw (Moustérien) n Tefriqt. Di tallit-nni, imeṭqan yellan ass-a qquren kkawen deg Ugafa n Tefriqt, llan d imukan anda yekkat ugeffur nezzeh, sɛan igelmimen, imrujen, isaffen, kkawen ass-a. Ayen yellan ass-a d sseḥra yella zik d ilmayen akk d tẓegwa, yeččuren d iɣersiwen am umdeɣ, anhal, izem, aɣucaf d ubanɣu …
  • Seg -45 000 ar – 30 000 : D tallit n uɛetraw (Aterien), yewwin isem-is seg udeg n Bir Ɛater, deg ugezdu n Tbessa.

Tallit n uẓru tamenzut tunnigt (seg – 30 000 ar – 7500)

  • – 25 000 : Yennulfa-d umdan amuran (iberomaurusien) (homo sapiens), yefkan aẓar n ccetla n yimaziɣen.
  • – 8 000 : Tallit n Ssehra tazegzawt. D tallit anda yekkat ugeffur nezzeh deg Ugafa n Tefriqt akk d d wayen yellan ass-a tmura tiɛrabin, seg 8 000 ar 4 000 uqbel Sidna Ɛisa. Di tallit-nni sseḥra terwa aman, teččur d rrbiɛ, tettwazdeɣ s waṭas n yimdanen kter n tura. Tfukk tallit-ayi deg 1900 uqbel Sidna Ɛisa.
  • – 8 000 / – 7 000 : Amdan n Mecta Afalu. D amdan yekkan seg umdan amuran, ufan iɣsan-is tikkelt tamezwarut deg yideggen n Mecta Lɛarbi akk d Afalu Buṛmel. Semman-as i ṣṣenf-ayi “Amdan Amectaw“.

Tallit n uẓru tatrart (seg -7500 ar -3200)

  • Gar – 7 500 d – 4 000 : Tallit n yidles agefsi (culture capsienne) di Tunes akk d usammar n Lezzayer. Di tallit-nni, Lezzayer tella teččur d umadaɣ yecban tasabant i d-nettaf di Tefriqt n unẓul n sseḥra, ala deg yimukan ɛlayen i d-nettaf tẓegwa. D iqefsiyen i d imezwura i iṛebban lmal di Tefriqt n Ugafa. Iqefsiyen ur llin ara seg zik di Tefriqt n Ugafa am imuranen, maca inigen ɣur-s.
  • – 5 500 : Tennulfa-d tfellaḥt di Tefriqt n Ugafa.
  • – 5 200 : Ttwazedɣen ifran n Geldaman, deg Wat Ɛidel (Tama n Uqbu).
  • – 4 700 : Yennulfa-d Idles n Uqellal Aqerdal (culture de la céramique cardiale), deg Ugafa Utrim n Lezzayer akk d Ugafa n Lmeṛṛuk.
  • Gar – 5 000 d – 1 500 : Ijerriden izermezrayen (gravures rupestres) n Ṭasili n Aǧǧer akk d tama n Lbeyyeḍ.
  • – 3 900 : Tadyant n 5900 AP (Taggara n Sseḥra tazegzawt). Tadyant-ayi d yiwet seg tallitin anda ulac ugeffur tiqesḥanin akk deg thulusant (holocène). Yeḍra-d deg 5900 uqbel tura (3900 uqbel Sidna Ɛisa), yenɣa tallit n sseḥra tazegzawt. Ssebba n tedyant-ayi i d-teqqel tura sseḥra tekkaw xussen-tt waman.
  • – 3 210 : Tazwara n tallit n nnḥas (âge du cuivre) deg Tafriqt n Ugafa (di Lmeṛṛuk akk d tama-nni yellan gar Lezzayer tamaneɣt akk d Cercal).
  • – 2 600 : Tebda tettkaw sseḥra.
  • – 2 200 : Tadyant n 4200 BP. D yiwet seg tallitin anda ulac ugeffur tiqesḥanin akk deg thulusant (holocène). Ssebba-s i tekkaw meṛṛa sseḥra yerna yeskkaw akk Tafriqt n Ugafa. Inigen aṭas n medden di tallit-nni seg Tafriqt n Ugafa akk d Ibirya. Di tallit-nni i guǧǧen imezdaɣ n yifran n Geldaman.

Amezruy amezwaru

(Seg -1900 ar -40)

Tallit n udrenz (seg -1900 ar -1101)

  • – 1 900 : Yennulfa-d udrenz (bronze) deg Ugafa n Tefriqt. Am nnḥas, iban-d di tazwara deg temnaḍt yellan gar Lezzayer Tamaneɣt almi d Lmeṛṛuk, maca yewweḍ daɣen ɣer tama n Tyaret akk d Mestɣanem.
  • – 1 900 : Tennulfa-d tamigalit (le mégalithisme) deg Ugafa n Tefriqt (idelmanen (dolmens) seg Lezzayer Tamaneɣt almi d Tunes, iberdan yedlen (allées couvertes) di tmurt n leqbayel, iẓekwan n uẓru (cistes) di Lmeṛṛuk …).

Tallit n uzzal (seg -1101 ar -40)

  • – 1 101 : Ifniqen bnan tamdint n Utik (Utique) di Tunes.
  • – 750 : Tennulfa-d taḥiṭust (la métallurgie) n uzzal deg Ugafa n Tefriqt.
  • -540 : Tennulfa-d yiwet tsekka n uqellel qqaren-as “Tasekka n Gastel”, deg yiwen uẓekka (Bazina) deg udrar n Dir, deg Ugafa n Tbessa. Tasekka-ayi aẓar-is d agrigi u d afniq, mazal ar ass-a xedmen-tt deg yidurar n Luras akk d Tunes. D tasekka n uqellel amaziɣ taqdimt akk i yellan.
  • – 415 : Deg uḍris n “Périple de Scylax“, tettwabder Bgayet s yisem n Sida. Ad naf deg udlis-nni d akken Asif Asemmam (Soummam) yella isem-is “Nasavath“, Asif Asibaw “Addima“, Asif n Yisser “Usar” neɣ “Sernétès“, u Asif n Busellam “Sava“.
  • – 290 : Yemmut Zellalsen, agellid n yimasilen.
  • – 250 : Tennulfa-d tasekka n uqellel qqaren-as “Tasekka n Tidis”, deg temdint tanumidt n Tidis, tama n Qsenṭina. D tasekka i umi qqaren ass-a “aqellel amaziɣ” neɣ “aqellel aqbayli” i yellan mazal ar ass-a xedmen-t di Lezzayer akk d Lmeṛṛuk. Aẓar-is seg tama n Ṭalyan akk d Anatulya.
  • – 250 : Talalit n Sifaks
  • – 239 : Naravas, gma-s n Gaya, mmi-s n Zellalsen, yekcem ddaw leḥkem n Amilkar, gma-s n Ḥennabeɛl.
  • – 238 : Talalit n Masensen.
  • – 237 : Naravas yuɣ yelli-s n Amilkar, ultma-s n Ḥennabeɛl, akken ad dduklen imasilen akk d Qerṭaj.
  • – 215 : Sifax yeqqel d agellid n Numidya Tutrimt (Imasaysilen).
  • – 212 : Masensen yeṭṭef imnayen inumidiyen, yedduklen akk d Qerṭaj mgal irumyen.
  • – 206 : Yemmut Gaya. D gma-s Oezalcès i yeṭṭfen imasiliyen deg umkan-is.
  • – 206 : Yemmut Oezalcès. D mmi-s Capusa i yeqqlen d agellid n imasiliyen.
  • – 206 : Meztul yenɣa Capusa. Lacumazès yeqqel d netta i d agellid n yimasiliyen.
  • Akken i – 205 : Masensen yerna Meztul akk d Lacumazès di tama n Thapsus. Masensen yeqqel d agellid n yimasilyen.
  • – 205 : Sifakx yeṭṭef Numidya n Usammar u yerna-tt-id ar tmurt-is (yesddukel Numidya). Masensen yerwel ɣer yidurar.
  • Yebrir – 203 : Amerẓi n yizuɣar imeqqranen (Bataille des Grandes Plaines), di tama n Utik (Utique). Masensen d Skifyu (Scipion l’Africain) rnan Sifaks d Qerṭaj.
  • 19 tuber – 202 : Amerẓi n Zama. Masensen d Skifyu (Scipion l’Africain) rnan Ḥennabeɛl d Fermina (mmi-s n Sifaks).
  • – 200 : Yemmut Fermina, agellid aneggaru n yimasaysilen.
  • – 183 : Ḥennabeɛl yenɣa iman-is.
  • – 180 : Talalit n Bukus Amezwaru (Bocchus 1er).
  • – 160 : Talalit n Yugurten.
  • – 153 : Ṭṭrad n Masensen deg Izuɣar Imeqqranen (les Grandes Plaines), mgal Qerṭaj.
  • Yennayer – 148 : Yemmut Masensen.
  • – 140 : Yemmut Mastenbal.
  • – 134 / – 133 : Imnayen inumidiyen (ddaw leḥkem n Yugurten) fkan afus di ṭṭrad n Numansya (le Siège de Numance), s idisan n yirumyen.
  • – 118 : Yemmut Mikusen (Micipsa, mmi-s n Masensen).
  • – 117 : Irumyen ḥudden amennuɣ yellan gar Yugurten akk d Aderbal.
  • – 116 : Yugurten yenɣa Yemsal (Hiempsal), mmi-s n Mikusen.
  • – 112 : Yenṭeg Yugurten ɣef Kirten (Cirta).
  • – 112 : Yugurten yenɣa Aderbal, mmi-s n Mikusen.
  • – 110 : Di Ṛuma, Yugurten yenɣa Masiba (Massiva), mmi-s n Gulusa (Gulusa d mmi-s n Masensen yellan d anmahal n Numidya di Ṛuma).
  • – 110 : Amerẓi n Sutul, di tama n Galma, gar Yugurten d yirumyen. D Yugurten i irebḥen.
  • – 109 : Irumyen neṭgen ɣef Zama. Iserdasen inumidiyen, ddaw leḥkem n Yugurten, rnan irumyen sdat tewwura n Zama.
  • – 108 : Amerẓi n Mutul, gar iserdasen n Yugurten akk d irumyen.
  • Gar – 108 d – 107 : Amerẓi n Tala, gar iserdasen n Yugurten d yirumyen.
  • – 105 : Bukus Amezwaru yefka-d Yugurten i yirumyen.
  • – 105 : Irumyen rran Gawda (Gauda, mmi-s n Mastenbal) d agellid n Numidya.
  • – 105 : Aḥric utrim n Numidya yeqqel d ayla n Muritanya.
  • 7 yennayer – 104 : Yemmut Yugurten di lḥebs di Ṛuma.
  • – 100 : Yemmut Bukus Amezwaru.
  • – 88 : Yemmut Gawda (Gauda), agellid n Numidya.
  • – 85 : Talalit n Yuba Amezwaru, mmi-s n Mastenbal wis sin.
  • – 60 : Yemmut Yemsal wis sin, agellid n Numidya, mmi-s n Gawda.
  • – 49 : Yemmut Susus (Sosus, Mastanesosus), agellid n Muritanya, mmi-s n Bukus Amezwaru.
  • – 47 : Yewwed Qiser (César) ɣer Tefriqt.
  • – 46 : Juba Amezwaru, mmi-s n Yemsal wis sin, yenɣa iman-is.
  • – 46 : Yemmut Masensen wis sin.
  • – 46 : Arabyu (Arabion), yerwel ar Sbanya.
  • – 44 : Rusuccuru (Delles) tgumma ad teldi tiwwura-s i Pompée Ameẓẓyan.
  • – 40 : Sextius yenɣa Arabyu (Arabion), agellid aneggaru n Numidya, mmi-s n Masensen wis sin. Numidya tekcem ddaw leḥkem n yirumyen.
  • – 33 : Yemmut Bukus wis sin, agellid n Muritanya, mmi-s n Susus (Sosus).
  • – 31 : Yemmut Bugud, agellid n Muritanya.

Taglest

(Seg -40 ar 647)

Tallit n yirumyen (seg -40 ar mayyu 429)

Tallit n yiwendalen (seg mayyu 429 ar meɣres 534)

  • Mayyu 429 : Allanen (Alains) d yiwendalen, ddaw leḥkem n Genséric, zegren agrilel n Ǧbel-Ṭareq, u wwḍen ɣer Ṭenǧa.
  • 28 ɣuct 430 : Yemmut Ugustin (Saint Augustin).
  • 19 tuber 439 : Allanen d yiwendalen ṭṭfen Qerṭaj.
  • Seg 2 ar 16 yunyu 455 : Aḥwas (pillage) n Ṛuma, s ɣur allanen d yiwendalen.
  • 468 : Amerẓi n Ṛas-Ddaṛ (cap Bon).
  • 24 yennayer 477 : Yemmut Genséric.
  • Seg 482 ar 484 : Iwendalen qehṛen ikatulikiyen.
  • Meɣres 534 : Yettwaṭṭef Gélimer, teɣli tgelda n yiwendalen d wallanen.

Tallit n yibizenṭiyen (seg meɣres 534 ar 647)

  • 508 : Masuna d agellid n Tgelda n yimuriyen d yirumyen.
  • 535 : Yeddukel ugellid amaziɣ Masuna akk d ibizenṭiyen mgal iwendalen.
  • 535 : Yemmut Masuna, yeḍfer-it Mastigas.
  • 535 : Urtayas (Orthaïas) yeddukel d ujiniṛal abizenṭini Salomon mgal Yudas (Iaudas).
  • 537 : Urtayas yeddukkel d Mastigas.
  • 537 : Di tefsut, amerrẓi n Scalas Veteres, deg Unẓul n Qerṭaj. Ibizenṭiyen ɣelben imaziɣen.
  • 541 : Yemmut Mastigas, Stotzas yeṭṭef amkan-is.
  • 545 : Yexser Stotzas mgal ibizenṭiyen. Yettwaṭṭef, nɣan-t. Jean le Tyran (i umi qqaren Stotzas Ameẓẓyan) yeṭṭef amkan-is
  • 546 : Ibizenṭiyen ttfen Jean le Tyran. Wwin-t yurez ar Qesṭentiniya anda akken ṣelben-t.
  • 560 : Yenṭeg Garmur ɣef wakal i ṭṭfen ibizenṭiyen.
  • 570 : Garmul yenɣa ajiniṛal abizenṭini Théodore.
  • 570 : Yenɣa Garmum sin lewkilat ibizenṭiyen di Tbessa.
  • 571 : Yenɣa Garmul ajiniṛal abizenṭini Amabilis.
  • 578 : Yexser Garmul, agellid n tgelda n yimuriyen d yirumyen, mgal ibizenṭiyen.
  • 578 : Teɣli tgelda n yimuriyen d yirumyen, d Tagelda n Altaba ara ibedden deg umkan-is.