Tikarḍiwin - Amrabed

Deg usebter-ayi, ad wen-nɛell tikerḍiwin i yexdem Amrabeḍ neɣ tid-ak anda yeffka afus n lmɛawna, akk d tid i yexdem Ammas Aɣelnaw n Unadi di Tsenzikt (C.N.R.A).

Takarḍa tumḍint n usebḍu n tiratin tilibiyin

Iswi nneɣ, ad d-neg takarḍa n yakk tiratin tilibiyin n Tefriqt Ugafa.

Akken ad nesɛu afecku n userwes gar tiwaculin n tiratin tilibiyin, u ad d-nefhem tasebḍut nsent.

Tiki n : Amezruy n Imaziɣen (ẓer imedwanen)
S uttekki n :
Muḥemmed Ɛettman, Salim U-Lǧudi, Amezruy.

S usalel d tallalt (lemɛawna) n :
Samia At Ɛli-Yeḥya, Ɛli Ḥeǧǧaz

D tajmilt i Ssi Ɛemmar U-Saɛid Bulifa.

Taɣbalut : Ṭṭaqa n tiratin llant deg leqdic n Jean-Baptiste Chabot, Ssi Ɛemmar U-Saɛid Bulida, Stéphane Gsell, Gabriel Camps, l'Encyclopédie Berbère, Ammas n Unadi Amaziɣ, Samia At Ɛli-Yeḥya, Ɛli Farid Belqaḍi, Muḥemmed Ɛettman d wiyaḍ.

Takarḍa n tsenzikt tazzayrit

Yebda usenfar n tkarḍa-ayi di mayyu 2020, s ɣur taneɣlift n yidles. Akemmel n tkarḍa n tsenzikt i yexdem umsenzik arumi Stéphane Gsell, di tallit n Fransa, s yisem n "Atlas archéologique de l'Algérie".

Takarḍa-ayi tesɛa iswi yeqqnen ar tmerrit, ar umezruy akk d tdamsa. Deg-s tikarḍiwin n tsenzikt timeẓẓyanin n yak agezdu, akken ad d-teffk afus n lemɛawna akken yal tama ad d-tḥerz idgan imezrayen ines, u ad ten-tesmel.

S uttekki n Ummas Aɣelnaw n Unadiyen izermezrayen, issnalsanen d imezrayen (C.N.R.P.A.H), Ammas Aɣelnaw n Unadi di Tsenzikt (C.N.R.A), Ammas n usefrek d ummud n wayla adelsan (OGEBC), akk d Ummas n Useḥbiber akk d usmil n Uɣlan Amẓab (OPVṂ).