Amrabed

Aẓar n Tgelda n At Ɛebbas ⴰⵥⴰⵔ ⵏ ⵜⴳⴻⵍⴷⴰ ⵏ ⴰⵜ ⵄⴻⴱⴱⴰⵙ

Iḥefsiyen

L’origine n yiḥefsiyen seg lɛerc n Iḥentaten. Iḥentaten-ayi d lɛerct-nni i d-iffkan leɛnaya i Lmehdi Ben-Tumert, winna akken isnulfan le dogme imweḥḥed.

Deg useggas n 1230, tama tasamrant n l’empire imweḥḥed tewwi timunent ines. Tama-nni tella tḥekkem-itt tawacult taḥefsit, arraw n Abu-Zakariya Ibnu-Ḥafs Al-Ḥintati, mmi-s n mmi-s n yiwen urabeḍ isem-is Abu-Ḥafs Al-Ḥintati. Abu-Ḥafs-ayi d netta i d-iffkan leɛnaya-s i Lmehdi Ben-Tumert.


Bgayet

Deg useggas n 1494, Abu-Ɛebdellah Muḥemmed yeqqel d agellid n yiḥefsiyen. Yextar sin seg warraw-is akken ad d-ilin d lḥekkam n Bgayet akk d Qsenṭina : Ɛebdleɛziz Abu-Lɛebbas deg Bgayet, akk d Bu-Bekker du Qsenṭina.

Yekker umennuɣ gar sin watmaten-ayi, acku limir Bu-Bekker yella yebɣa ad d-iḥkkem netta di Bgayet.

Yeẓdem Bu-Bekker-ayi ɣef Bgayet deg yiseggasen n 1503, 1504 akk d 1507.


Bgayet d usbanyul

Deg useggas n 1507, isbanyulen ṭṭfen Wahren.

Limir Ɛebdleɛziz n Bgayet iheyya-d iserdasen akken ad d-iruḥ ɣer Wahren ad ten-iɛin mgal isbanyulen.

Iserdasen n Bgayet iruḥen ad d-ɛiwnen Wahren xesren mgal isbanyulen. Ihi, deg 5 yennayer 1510, ẓedmen isbanyulen ɣef Bgayet.

Imir-nni, limir Ɛebdleɛziz ur yelli ara deg Bgayet, iruḥ ɣer Qsenṭina ad d-innaɣ mgal gma-s. Yeǧǧa arraw-is di Bgayet : Ɛebderreḥman, Lɛebbas akk d Abu-Fares.

Iserdasen iqqimen deg Bgayet xesren mgal isbanyulen. Kecmen isbanyulen ɣer Bgayet, u nɣan Abu-Fares, mmi-s n limir Ɛebdleɛziz, akk d les minkstres meṛṛa illan di Bgayet.


Tarewla ɣer Iwannuɣen

Ass n 13 deg ibrir 1510, Ɛebderreḥman d Lɛebbas srewlen imezdaɣ n Bgayet ɣer tama n Lwad Amizur neɣ Leqser.

Dinna, ẓedmen fell-asen isbanyulen deg yiḍ, u xirla i nɣan gar les refugiés n Bgayet. Gar wid-ak yemmuten iḍ-nni tella tameṭṭudt n limir Ɛebderreḥman akk d yelli-s.

Rewlen ihi Ɛebderreḥman akk d lɛebbas, yid-sen wid i mazal seg wid i rewlen seg Bgayet, ɣer yidurar n yiwannuɣen, i umi qqaren tura idurar n Lbiban, neɣ idurar n At Ɛebbas.

Zedɣen di tazwara deg Muqqa, dɣa deg Ccwarix, s akkin yebna limir Ɛebderreḥman yiwet la forteresse, semman-as Taqliɛt n yiwannuɣen, Qelɛet Wannuɣa s taɛrabt.

Wid i mazal ddren seg yimezdaɣ n Bgayet zedɣen deg teqliɛt-nni. Gar-asen llan kran udayen, des juifs séfarades, rewlen seg Sbanya, seg l’Inquisition, mi yeɣli Landalus.

Taqliɛt-nni i umi qqaren ass-a Lqelɛa n At Ɛebbas, bnan-tt deg yiwen ugni nnig udrar, à près de 1000 m d’altitude. Zzin fell-as lkifan si mkul taman nezmer ad nali kan seg yiwet tebridt deyyiqen, tewɛer i tikli.

A son apogée, tella tesɛa 60 000 n yimezdaɣ, gar-asen 3 000 d udayen. Xirla seg udayen-nni qqlen tura d inselmen.

Ass n 25 deg mayyu 1510, teɣli Bgayet far iffassen n usbanyul. Limir Ɛebdleɛziz n Bgayet yemmut deg umennuɣ mgal gma-s, Bu-Bekker n Qsenṭina.

Limir Ɛebderreḥman yeɛzel iman-is deg taddart n Tqerrabt n At Ɛebbas, anda yemmut. D gma-s amaẓuz, Lɛebbas, ar ad iḥekkmen deg Lqelɛa.

Akka i d-tennulfa tagelda n At Ɛebbas. Imir-nni, semman-as Tagelda n Iwannuɣen.

Lɛebbas iceyyeɛ imceyyɛen i Bgayet akken ad d-nigusyin akk d isbanyulen. Yeṭṭef-iten ɛemmi-s, Bu-Bekker, yenɣa-ten akk, s akkin yeẓdem ɣef Lqelɛa, maca ur s-izmir ara. Annect-a yeḍra-d di yulyu 1510. D tikkelt tamezwarut ar ad ẓedmen ɣef Lqelɛa n At Ɛebbas.

Isbanyulen xedmen un traité de paix akk d Lɛebbas. Winna akken illan d amḥaddi gar Lɛebbas akk d isbanyulen isem-us Abu-Muḥemmed Ben-Ḥmed Belqaḍi Al-Ɣubrini, winna akken i ittwassnen s yisem n Ḥmed U-Lqaḍi.

Ihi, deg 1511, isinya-d Lɛebbas talwit akk d isbanyulen. Isbanyulen ɛtarfen d akken ayen illan deg unẓul n Bgayet d tagelda s timmad-is, i umi semman “Reino de Labes“, tagelda n Lɛebbas. Lɛebbas yeqbel ad tili tamdint n Bgayet d yakk tama n lebḥar ddaw leḥkkem n usbanyul, u yerra-asen i yisbanyulen akk imeḥbas i llan ṭṭfen di Lqelɛa.

S akkin n mi sinyan talwit, 8 000 seg yimezdaɣ n Lqelɛa uɣalen ɣer Bgayet.

Akka i d-tennulfa Tagelda U-Ɛebbas, deg les épave n la province taḥefsit n Bgayet.


Taɣbalut :

  • Abou Ali Ibrahim El Mérini. Kitab El Adouani.
  • Benoudjit, Youssef. La Kalaades Béni Abbès au XVIe siècle. Alger, Dahlab, 1997. Ẓer
  • Berbrugger, Adrien. Les époques militaires de la Grande Kabilie. Alger : Bastide, 1857. Ɣer-it
  • Braudel, Fernand. Les espagnols et l’Afrique du Nord. Alger : J. Carbonel, 1928. Ɣer-it
  • Haedo, Diego de. Histoire des rois d’Alger. Alger, Adolphe Jourdain, 1881. Ɣer-it
  • Ibn Khaldūn: Histoire des Berbères et des dynasties musulmanes de l’Afrique septentrionale. Paris: Paul Geuthner, 1956. Ɣer-it
  • Kaddache, Mahfoud. L’Algérie durant la période ottomane. Alger : Office des publications universitaires, 1991. Ɣer-it
  • Kaddache, Mahfoud. L’Algérie médiévale. Alger : ENAL, 1992. Ɣer-it
  • Léon l’Africain, Jean. Description de l’Afrique : Tierce partie du monde. Paris : Esnest Leroux, 1896. Ɣer-it
  • Marmol y Carvajal, Luis del. L’Afrique de Marmol. Paris : [S.E], 1667. Ɣer-it
  • Rang, Sander ; Denis, Ferdinand. Fondation de la Regence D’Alger Histoire des Barberousse. Paris : J. Angé, 1857. Ɣer-it

Aru awennit

Email-inek ur d-itffeɣ ara. Urtiyen yuwren ttwaseknen s *